पुणे प्राईम न्यूज डेस्क: आजच्या डिजिटल युगात पासवर्ड ही आपल्या ऑनलाइन सुरक्षिततेची पहिली भिंत आहे. पण जर ही भिंत कमजोर ठरली, तर हॅकर्स तुमची वैयक्तिक माहिती, बँक डिटेल्स आणि सोशल मीडियाच्या अकाउंट्सपर्यंतही पोहोचू शकतात. पासवर्ड कसे लीक होतात आणि हॅकर्स कोणत्या पद्धतीने लोकांना लक्ष्य करतात हे आपण जाणून घेऊ.

पासवर्ड ‘कसा’ लीक होतो
फिशिंग
हॅकर्स खोटे ईमेल किंवा बनावट संकेतस्थळ (वेबसाइट्स) वापरून युजरला फसवण्याचा प्रयत्न करतात. या वेबसाइट्स खऱ्या वाटतात आणि युजरकडून लॉगिन माहिती भरून घेतात.

की-लॉगिंग सॉफ्टवेअर
काही मालवेअर तुमच्या डिव्हाइसमध्ये इंस्टॉल होतात, जे तुमच्या कीबोर्डवर टाइप केलेली प्रत्येक गोष्ट रेकॉर्ड करतात. त्यामुळे तुमचा पासवर्ड थेट हॅकरच्या हातात जातो.
ब्रूट फोर्स अटॅक
हॅकर्स अनेक वेळा विविध पासवर्ड्स वापरून योग्य पासवर्ड शोधण्याचा प्रयत्न करतात, विशेषतः पासवर्ड कमकुवत असेल तर.
पब्लिक वाय-फायचा सापळा
मोकळ्या (असुरक्षित) वाय-फाय नेटवर्कचा वापर करताना तुमची माहिती असुरक्षित बनते आणि हॅकर्स ती इंटरसेप्ट करू शकतात.
डेटा ब्रीच
कधी कधी मोठ्या कंपन्यांचा किंवा वेबसाइट्सचा डेटा लीक होतो, ज्यात लाखो युजर्सचे ईमेल व पासवर्ड हॅकर्सच्या हाती लागतात.
सोशल इंजिनिअरिंग
हॅकर्स तुमच्या सोशल मीडिया प्रोफाइलवरून तुमच्याशी संबंधित सर्व माहिती (जसे की जन्मतारीख, पाळीव प्राण्याचं नाव) मिळवून पासवर्डचा अंदाज घेतात.
पासवर्ड लीकपासून वाचण्यासाठी काय करालं?
१) मजबूत आणि युनिक पासवर्ड ठेवा प्रत्येक साइटसाठी वेगळा पासवर्ड वापरा.
२) टू-फॅक्टर ऑथेंटिकेशन (2FA) नक्की चालू ठेवा.
३) अनोळखी लिंकवर क्लिक करणं टाळा.
४) पब्लिक वाय-फायवर लॉगिन करू नका.
५) नियमितपणे पासवर्ड बदला.
तुमच्या सायबर सुरक्षिततेसाठी सावधगिरी हाच सर्वात मोठा उपाय आहे. त्यामुळे तुमचं ऑनलाइन आयुष्य सुरक्षित ठेवण्यासाठी खबरदारी घ्या.







