नवी दिल्ली : स्मार्टफोनच्या वापरात दिवसेंदिवस वाढ होत आहे. ग्राहकांच्या गरजेनुसार या स्मार्टफोन्समध्ये विशेष बदल देखील केले जात आहेत. तर काही स्मार्टफोन्समध्ये जबरदस्त फीचर्स दिले जात आहेत. त्यात तुम्हाला मोबाईल गेमिंगचा आनंद घ्यायचा असेल तर आम्ही तुम्हाला Oppo च्या स्मार्टफोनबद्दल माहिती देणार आहोत.
Oppo कंपनी आपला नवीन Oppo A3X 5G स्मार्टफोन लवकरच लाँच करणार आहे. यात 720*1604 पिक्सेल रिझोल्यूशन आणि 320 PPI च्या पिक्सेलसह HD डिस्प्ले असणार आहे. हा स्मार्टफोन ऑक्टा-कोर मीडियाटेक प्रोसेसर असेल. यात चिपसेटचे कोडनेम MT6835 असून, त्यात 2.2 GHz चे दोन कॉर्टेक्स A76 कोअर, 2.0 GHz वर क्लॉक केलेले सहा Cortex A55 कोअर आणि एक Mali G57 GPU आहे.
कोडनेम, CPU कोर आणि GPU मुळे कंपनी या फोनला मीडियाटेक डायमेन्शन 6100+ प्रोसेसर देत आहे. मीडियाटेक चिपसेट 6GB RAM सह जोडला जाणार आहे. हा स्मार्टफोन Android 14 वर चालणार असून, जो ColorOS 14 वर आधारित असू शकतो. यात 6.67 इंचाचा डिस्प्ले आहे, ज्यामध्ये मध्यभागी पंच होल कटआउटही देण्यात येणार आहे.
