नवी दिल्ली : प्रसिद्ध कंपनी Honor ने नुकतीच आपली 200 सीरीज भारतीय बाजारात लाँच केली आहे. Honor 200 आणि Honor 200 Pro स्मार्टफोन या सीरीजमध्ये येतात. नावाप्रमाणेच प्रो व्हेरियंट हे टॉप मॉडेल आहे. कंपनीकडून हा फोन 57,999 रुपयांमध्ये लाँच करण्यात आला.
Honor 200 Pro 5G असून, हा स्मार्टफोन AI पॉवर्ड कॅमेरा सेटअपसह येतो. यात 50MP ड्युअल फ्रंट कॅमेरा आहे. डिव्हाईस 4000 Nits च्या पीक ब्राइटनेससह डिस्प्लेसह येते. Honor 200 Pro 5G वर सूट मिळत आहे. कंपनीने हा फोन 57,999 रुपये किमतीत लाँच केला होता. या स्मार्टफोनवर 13 हजार रुपयांची सूट मिळत आहे. याशिवाय SBI कार्डवर 1000 रुपयांची सूट मिळत आहे.
दरम्यान, या सर्व सवलतींनंतर, Honor 200 Pro 5G ची किंमत 43,999 रुपयांपर्यंत मिळू शकणार आहे. तर या किंमतीत तुम्हाला 12GB रॅम + 512GB स्टोरेज सह व्हेरिएंट मिळणार आहे. या फोनमध्ये 6.78-इंच क्वाड वक्र फ्लोटिंग डिस्प्लेही देण्यात आला आहे.
