नवी दिल्ली : सध्या विविध मोबाईल नेटवर्क कंपन्या उपलब्ध असून, या कंपन्यांकडून आपापल्या ग्राहकांसाठी दर्जेदार सुविधा दिल्या जात आहेत. असे असताना भारत संचार निगम लिमिटेड (BSNL) ने आपला चांगला प्लॅन आणला आहे. BSNL ने एक बेस्ट असा प्लॅन लाँच केला आहे, जो खाजगी कंपन्यांपेक्षा खूपच स्वस्त आहे आणि यामध्ये एका वर्षासाठी दररोज 3GB डेटा मिळतो.
BSNL च्या या प्लॅनची किंमत 2,999 रुपये ठेवण्यात आली आहे. या प्लॅनसह, तुम्हाला सर्व नेटवर्कवर अमर्यादित कॉलिंग मिळेल ज्यामध्ये रोमिंग फ्री कॉलिंग देखील समाविष्ट आहे. याशिवाय BSNL च्या या प्लॅनमध्ये दररोज 3GB हाय-स्पीड डेटा मिळतो. डेली डेटा संपल्यानंतर, प्लॅनचा वेग 40Kbps असेल. या प्लॅनमध्ये दररोज 100 एसएमएस उपलब्ध आहेत आणि वैधता 365 दिवस मिळणार आहे. जर एखाद्या युजर्सला जास्त डेटाची आवश्यकता असेल तर हा प्लॅन त्यांच्यासाठी सर्वोत्तम ठरणार आहे.
बीएसएनएल प्लॅनच्या सुरुवातीची किंमत 11 रुपये आहे आणि सर्वात महागड्या प्लॅनची किंमत 3,000 रुपये आहे. BSNL ने आणखी एक 666 रुपयांचा प्लॅन आणला आहे. या प्लॅनच्या माध्यमातून सर्व नेटवर्कवर अमर्यादित कॉलिंग उपलब्ध असणार आहे. याशिवाय, एकूण 105 दिवसांची वैधता उपलब्ध आहे. BSNL च्या या प्लॅनमध्ये दररोज 2GB डेटा येतो म्हणजेच तुम्हाला एकूण 210 GB डेटा मिळेल. डेटा संपल्यानंतर, इंटरनेटचा वेग 40kbps होईल.
