नवी दिल्ली : सध्या स्मार्टफोन युजर्सची संख्या मोठ्या प्रमाणात वाढताना दिसत आहे. त्यानुसार, विविध कंपन्यांकडून नवनवीन स्मार्टफोनदेखील लाँच केले जात आहेत. त्यातच मोबाईल नेटवर्क कंपन्याही मागे नाहीत. आपल्या ग्राहकांसाठी कंपन्यांकडून विविध सेवा दिल्या जात आहेत. भारत संचार निगम लिमिटेड अर्थात ‘बीएसएनएल’कडूनही नवी सेवा देण्यात येत आहे.
बीएसएनएल ग्राहकांसाठी आता 58 रुपयांमध्ये नवीन प्लॅन आणले आहेत. दोन्ही प्लॅनमध्ये उपलब्ध असलेले बेनिफिट्स देखील भिन्न आहेत आणि हे डेटापासून ते कॉलिंग फीचर्ससह एकत्र येतात. 58 रुपयांच्या या प्लॅनमध्ये तुम्हाला दररोज 2GB डेटा मिळणार आहे. तुम्ही हा प्लॅन विकत घेतला तर तुम्हाला दररोज 2GB डेटा मिळणार आहे. या प्लॅनचे बेनिफिट्स एका आठवड्यासाठी आहेत. एकदा डेटा संपला की त्याचा स्पीड आपोआपच कमी होईल. पण तुम्हाला 2GB सुपरफास्ट इंटरनेट यात मिळणार आहे.
तसेच बीएसएनएलकडून आणखी प्लॅन आहे. हा प्लॅन 59 रुपयांचा असून, यामध्ये व्हॅलिडिटी एका आठवड्याची देण्यात येणार आहे. या प्लॅनमध्ये अमर्यादित कॉलिंगचे फायदे देखील उपलब्ध आहेत. यासोबतच तुम्हाला डेटाही दिला जातो. तुम्ही हा प्लॅन विकत घेतला तरी तुम्हाला फक्त एका आठवड्याची व्हॅलिडिटी मिळते.
