नवी दिल्ली : सध्या तंत्रज्ञानाच्या युगात अनेक नवंनवे गॅजेट्स लाँच होत आहे. स्मार्टफोन, लॅपटॉप असो किंवा स्मार्ट वॉच, याची क्रेझ दिवसेंदिवस वाढत आहे. पण स्मार्ट वॉचच्या शोधात असलेल्यांसाठी ही महत्त्वाची बातमी असणार आहे. कारण दोन हजार रुपयांपेक्षा कमी किमतीत स्मार्ट वॉच उपलब्ध करण्यात आले आहेत.
boAt Wave Call Smart Watch
जांभळ्या रंगात येणारे हे वॉच स्टाइलसाठी उत्तम आहे. या स्मार्ट वॉचद्वारे तुम्ही तुमच्या हृदयाचे ठोके, झोप, ऑक्सिजनची पातळी २४/७ मॉनिटर करू शकता. हे boAt स्मार्ट वॉच 1.69 इंच फुल टच एचडी डिस्प्ले असलेले स्मार्टवॉच आहे. या वॉचमध्ये, तुम्हाला ब्लूटूथ कॉलिंगची सुविधा मिळते, ज्याच्या मदतीने तुम्ही तुमच्या मनगटावर फोन कॉलला उत्तर देऊ शकता. boAt Smart Watch ची किंमत 1699 रुपये आहे.
Fire-Boltt Phoenix Smart Watch
फायर-बोल्ट फिनिक्स हा 1.3 इंच डिस्प्ले असलेला स्मार्टवॉच आहे. यामधून ब्लूटूथ कॉलिंग करता येऊ शकणार आहे. 1.3 इंचचा फुल टच डिस्प्ले मिळत आहे. या स्मार्टवॉचमध्ये 240*240 हाय रिझोल्यूशनच्या फिचर्ससह मिळत आहे. या फायर-बोल्ट स्मार्ट वॉचची बॅटरी लाईफ खूपच जबरदस्त असून, एका चार्जवर 7 दिवस वापरता येणार आहे. या फायर-बोल्ट स्मार्ट वॉचची किंमत 1499 रुपये असणार आहे.
Noise ColorFit Pulse Smart Watch
प्रसिद्ध Noise कंपनीने ColorFit Pulse Smart Watch लाँच केला आहे. हा स्मार्ट वॉच वॉटरप्रूफ टेक्नॉलॉजीसह येत आहे. या नॉईज स्मार्ट वॉचमध्ये 150 हून अधिक वॉचचे डिजाईन पाहिला मिळू शकते. हे वॉच एलसीडी लाईटसह येते. नॉईज कलरफिट स्मार्ट वॉचची किंमत 1199 रुपये आहे.
