सोलापूर : सोलापूर – तुळजापुर महामार्गावर राज्य परिवहन महामंडळाच्या बसचा आज २२ नोव्हेंबराला अपघात झाला. या अपघातात सहा प्रवासी जखमी झाले असून काही प्रवाशांना मुका मार लागला आहे. बसच्या चालकाचे वाहनावरील नियंत्रण सुटल्याने हा अपघात झाल्याची प्राथमिक माहिती आहे.(Solapur Accident News)
मिळालेली अधिक माहितीव अशी की, सोलापूरहून लातूरकडे जाणाऱ्या एसटी बस चालकाचे नियंत्रण सुटल्याने हा अपघात घडला आहे. कासेगाव जवळ स्टेरिंग वरील नियंत्रण सुटल्याने रस्त्याच्या कडेला असलेल्या मोठ्या खड्ड्यात बस जाऊन आदळली. अचानक घडलेल्या या प्रकारामुळे प्रवाशांमध्ये एकच घबराटीचे वातावरण निर्माण झालं होतं.
या अपघातात काही प्रवाशांना किरकोळ तर काहींना मुका मार लागला असून सहा प्रवासी जखमी झाले आहेत. अपघातग्रस्त बस मधील प्रवासी पुणे, कर्नाटक आणि मराठवाड्यातील आहेत. या घटनेची नोंद सिव्हील पोलीस चौकीत करण्यात आली आहे अशी माहिती पाेलीसांनी दिली आहे.
