सोलापुर: सोलापुरमध्ये आई प्रतिष्ठानच्या वतीने महिलांसाठी मुख्यमंत्री माझी लाडकी बहीण योजनेचा शुभारंभ आणि विद्यार्थिनींना मोफत साहित्य वाटप करण्यासाठी एक कार्यक्रम आयोजित करण्यात आला होता. या कार्यक्रमाला पालकमंत्री चंद्रकांत पाटील यांची उपस्थिती होती. कार्यक्रमात मंत्री चंद्रकांत पाटील यांचे भाषण सुरु असताना अचानक वादळी वारा आला आणि मंडप हवेत उडाला. यानंतर परिसरात थोड्यावेळ घबराट निर्माण झाली होती. अखेर उडालेल्या मंडपात आणि बरसणाऱ्या पावसात छत्रीखाली पालकमंत्री चंद्रकांत पाटील यांनी आपले भाषण उरकले.
