Solapur News Update : सोलापूर पोलीस विभागातून एक धक्कादायक प्रकार समोर आला आहे. सोलापुरातील एका पोलिसाने स्वतःवर गोळी झाडून आत्महत्या करण्याचा प्रयत्न केला आहे. तो इतक्यावरच थांबला नाही तर सोशल मीडियावर स्वतःला सिंघम म्हणत भावपूर्ण श्रद्धांजली देखील अर्पण केली आहे. या घटनेनंतर सोलापूर पोलिस दलात मोठी खळबळ उडाली आहे. (Solapur News)
मिळालेल्या अधिक माहितीनुसार, पोलीस विभागातील वरिष्ठांच्या त्रासाला कंटाळून त्याने हे पाऊल उचललं असल्याचं बोललं जात आहे. विकास गंगाराम कोळपे असे स्वत:वर गोळी झाडणाऱ्या पोलिस कर्मचाऱ्याचे नाव असून त्याला सध्या उपचारासाठी रुग्णालयात दाखल करण्यात आलं आहे.
नेमकं घडल काय?
सोलापुरात कारागृहात नियुक्त असलेल्या विकास गंगाराम कोळपे या पोलिस शिपायाने स्वतःवर गोळी झाडून जीवन संपवण्याचा प्रयत्न केला. 34 वर्षीय विकास कोळपे यामध्ये गंभीर जखमी झाले आहेत. कर्तव्यावर हजर असताना संध्याकाळी सहा वाजण्याच्या सुमारास रायफलने कोळपे यांनी स्वतःवर गोळी झाडली. तो इतक्याचवर थांबला नाही तर सोशल मीडियावर एक पोस्टही केली आहे.
स्वतःला सिंघम म्हणत भावपूर्ण श्रद्धांजली अर्पण
त्याने या पोस्टमध्ये असं म्हटल आहे कि, वरिष्ठांच्या त्रासाला कंटाळून आत्महत्या करत असल्याचं पोस्ट सोशल मीडियावर शेअर केल्या आहेत. स्वतःला सिंघम म्हणत त्याने भावपूर्ण श्रद्धांजली देखील अर्पण केली आहे. विकास कोळपे यांना उपचारासाठी सोलापूरच्या शासकीय रुग्णालयात दाखल करण्यात आले होते. मात्र, प्रकृती गंभीर असल्यामूळ त्यांना आता खासगी रुग्णालयात दाखल केलं आहे.
विकास गंगाराम कोळपे हे पुण्यातील देवाची आळंदी येथील मूळचे रहिवाशी असून त्यांच्या घरी आई, वडील, भाऊ, पत्नी आणि अडीच वर्षाचा मुलगा असा परिवार आहे. विकास यांनी आत्महत्या करण्याचा प्रयत्न केल्याच्या घटनेने सोलापूर पोलिसांमध्ये मोठी खळबळ उडाली आहे.
