लहू चव्हाण
पाचगणी : रोटरी क्लब ऑफ पाचगणीचा वार्षिक पुरस्कार सोहळा मंगळवारी (ता. ३०) आयोजित केला आहे. विविध श्रेणीमध्ये यंदा विशाल भिलारे (क्रीडा), अनिकेत गोळे (क्रीडा), कोबाड डेव्हियरवाला (आतिथ्य), विठ्ठल दुधाणे (कृषी), तय्यबली माला (व्यावसायिक/उद्योगपती), एस. एम. बाथा हायस्कूल (शिक्षण), पाचगणी क्रिकेट लीग समिती (पाचगणीतील क्रिकेटच्या प्रचारात त्यांच्या उत्कृष्ट योगदानाबद्दल), पाचगणी व्यायाम मंडळ (पाचगणीतील कबड्डीच्या प्रचारात त्यांच्या उत्कृष्ट योगदानाबद्दल) यांना पुरस्काराने गौरविण्यात येणार आहे, अशी माहिती पाचगणी रोटरी क्लबचे अध्यक्ष स्वप्नील परदेशी यांनी दिली.
या प्रसंगी पाचगणी रोटरी क्लबचे सचिव नितीन कासुर्डे, रोटरी सदस्य आदी मान्यवर उपस्थित होते. या वेळी स्वप्नील परदेशी म्हणाले की, क्लबच्या वतीने दरवर्षी पुरस्कार सोहळ्याचे आयोजन केले जाते. या माध्यमातून विविध क्षेत्रात उत्कृष्ट कामगिरी करणाऱ्या व्यक्तींचा सत्कार करण्यात येतो. यासाठी व्यावसायिक पुरस्कार, सर्वोत्कृष्ट शिक्षण पुरस्कार, क्रिडा पुरस्कार आणि कृषी पुरस्कार, असे चार पुरस्कार देण्यात येतात. यंदाचा पुरस्कार सोहळा मंगळवारी (ता. ३०) स्वीट मेमोरीज हायस्कूल, गणेश पेठ, रुईघर येथे सायंकाळी पाच वाजता होणार आहे.
