सातारा : विविध भागात वादळी पावसाने जोरदार बॅटींग केली आहे. वादळी वा-यासह झालेल्या पावसाने अनेक भागात नुकसान झाले आहे. यावेळी फलटण येथील सरडे गावात एका ओला इलेक्ट्रिक स्कूटरवर वीज पडून एकाचा मृत्यू तर दोनजण गंभीर जखमी झाले आहे.
फलटण येथील आयटीआयचे तीन विद्यार्थी (ता.11मे) रोजी ओला इलेक्ट्रिक स्कूटरवरुन जात होते. यावेळी अचानक विजांच्या कडकडाटासह पावसाला सुरवात झाली. त्यावेळी चालत्या स्कूटरवर वीज पडली आहे. वीज पडून एकाचा मृत्यू तर दोनजण गंभीर जखमी झाले आहे. जखमी विद्यार्थ्याना रुग्णालयात दाखल करण्यात आले असून त्यांच्यावर उपचार सुरु असून त्यांची प्रकृती स्थिर आहे.
अपघातात जखमी झालेल्यांची नावे विक्रम विजय धायगुडे (वय-17, रा. सरडे ता.फलटण जि.सातारा), प्रथमेश सुनील भिसे (वय-17, वायसेवाडी,ता. कर्जत, जि.अहमदनगर) ही आहेत. तर मृत व्यक्तीचे नाव ज्ञानेश्वर गहिनीनाथ ढोले (वय-17, वंजारवाडी खर्डा, ता.जामखेड,जि. अहमदनगर) असे आहे.
