करमाळा : मराठा आंदोलक मनोज जरांगे-पाटील यांनी (दि 10 सप्टेंबर) रोजी माढा, करमाळा, भूम-परंडा व बार्शी तालुक्यातून मराठा समन्वयकांची बैठक बोलावली होती. या बैठकीमध्ये प्रत्येक गावातील कमीत कमी 20 मराठा सेवक (हक्काचा माणूस) यांची नाव नोंदणी करण्याबाबत चर्चा झाली आहे. असे मराठा सेवक गावागावातून तयार करायचे आहेत.
जेणेकरुन मराठा समाजाच्या विविध अडचणी आहेत, जसे की मराठा समाजाच्या नोंदी, जातीचे प्रमाणपत्र व जात पडताळणी करण्यास मदत करणे, शेती, शिक्षण, वैद्यकीय अडचणी बाबत मदत करणे, तसेच सामाजिक अडचणी व इतर समस्या सोडण्यासाठी काम करतील.
यावेळी सदर बैठकीसाठी करमाळा तालुक्यातून दत्तकला शिक्षण संस्थेचे अध्यक्ष प्रा. रामदास झोळ तसेच स्वाभिमानीचे गणेश मंगवडे, प्रशांत नाईकनवरे तसेच प्रा. संजय जगताप हे मराठा आरक्षण संघर्ष योद्धा मनोज जरांगे-पाटील यांच्या बैठकीस हजर होते.
