नाशिक: मालेगाव तालुक्यातील डोंगराळे गावात तीन (Manoj Jarange) वर्षीय चिमुरडीवर अत्याचार (Nashik Crime) करून तिची निर्घृण हत्या केल्याच्या घटनेने (Malegaon News) राज्यभर संतापाची लाट उसळली आहे. गावातील 24 वर्षीय विजय संजय खैरनर याने 16 नोव्हेंबर रोजी पीडित बालिकेवर अत्याचार केल्यानंतर तिचे डोके दगडाने ठेचून अमानुषपणे हत्या केल्याचा धक्कादायक प्रकार समोर आला. घटनेची माहिती मिळताच मालेगाव तालुका पोलिसांनी आरोपीला ताब्यात घेतले असून प्रकरणाची गंभीर तपासणी सुरू आहे. परिसरात भीतीचे आणि संतापाचे वातावरण निर्माण झाले आहे. (Breaking News)
या हृदयद्रावक घटनेनंतर राज्यभरातून तीव्र प्रतिक्रिया उमटत आहेत. अनेक नेते आणि सामाजिक कार्यकर्ते पीडित कुटुंबीयांना धीर देण्यासाठी भेट देत आहेत. आमदार चित्रा वाघ यांनी बुधवारी कुटुंबीयांना भेटून आरोपीला कठोरात कठोर शिक्षा होईल, असा विश्वास व्यक्त केला. त्यानंतर मराठा आंदोलनाचे नेते मनोज जरांगे पाटील यांनीही कुटुंबीयांची भेट घेऊन सांत्वन केले. बालिकेच्या वडिलांनी या वेळी आपल्या वेदना मांडत नराधम आरोपीला फाशीची शिक्षा द्यावी, अशी मागणी केली. काही नातेवाईकांनी आरोपीला छत्रपती चौकात शिक्षा करण्यात यावी अशीही भावना व्यक्त केली.
जरांगे पाटील यांनी कुटुंबीयांचे सांत्वन करत आरोपीला फाशी देण्यापेक्षा एन्काऊंटर करण्याची मागणी केली. यामुळे प्रकरणाबद्दलचा जनआक्रोश अधिकच तीव्र झाल्याचे दिसून आले आहे. दरम्यान, या भीषण घटनेच्या निषेधार्थ मालेगाव शहरात आज रास्ता रोको आंदोलन करण्यात आले. न्यायालयाच्या आवाराबाहेरील मुख्य रस्त्यावर नागरिकांनी ठिय्या मांडत आरोपीला तातडीने कठोर शिक्षा देण्याची मागणी केली. या प्रकरणाने कायदा-सुव्यवस्थेबाबत आणि बालिकांच्या सुरक्षेबाबत गंभीर प्रश्न पुन्हा एकदा ऐरणीवर आणले आहेत.
