सोलापूर: पुण्यानंतर महाराष्ट्रातील (Maharashtra IT Hub) सोलापूरमध्ये मोठं आयटी पार्क (Solapur IT Park0 उभारण्याची प्रक्रिया सुरू झाली असून हे राज्यातील दुसऱ्या क्रमांकाचं (Solapur News) आणि देशातील तिसऱ्या क्रमांकाचं सर्वात मोठं आयटी पार्क ठरणार आहे. मुख्यमंत्री देवेंद्र फडणवीस यांनी काही महिन्यांपूर्वी या प्रकल्पाची घोषणा केली होती. त्यानुसार आता आयटी पार्कसाठी सोलापुरात जागा निश्चित करण्याचे काम अंतिम टप्प्यात आलं आहे. पुण्यातील हिंजवडी आयटी पार्कवरील ताण कमी करण्यासाठी हा प्रकल्प महत्त्वाचा मानला जात आहे. (Marathi Breaking News)
मुख्यमंत्री फडणवीस यांनी सोलापुराचे जिल्हाधिकारी कुमार आशीर्वाद यांना आयटी पार्कसाठी योग्य जागा शोधण्याचे आदेश दिले होते. त्यानुसार जलसंपदा विभागाच्या मालकीची सुमारे 50 एकर जागा या प्रकल्पासाठी निवडण्यात आली आहे. ही जागा महाराष्ट्र राज्य औद्योगिक विकास महामंडळाकडे सुपूर्द करण्यात आली आहे. आयटी पार्कसाठी आवश्यक सुविधा उभारण्यासाठी 38 कोटी रुपयांचा प्रस्ताव राज्य सरकारकडे पाठवण्यात आला आहे.
होटगी रोड परिसरात आयटी पार्क उभारण्यात येणार असून येथे 50 मीटर उंचीपर्यंतच्या इमारतींच्या बांधकामाला विमानतळ प्रशासनाकडून परवानगी मिळाली आहे. त्यामुळे विमानमार्गावर कोणताही अडथळा निर्माण होणार नाही. संपूर्ण प्रकल्पाचे बांधकाम दीड वर्षात पूर्ण करण्याचे लक्ष्य ठेवण्यात आले आहे. या पार्कमध्ये 45 हजारांहून अधिक कर्मचारी काम करू शकतील, अशी प्राथमिक अपेक्षा आहे.
आयटी पार्कमधील आंतरिक रस्ते, पाणीपुरवठा, पथदिवे आणि इतर मूलभूत सोयींसाठी मोठा निधी खर्च होणार आहे. हा प्रकल्प सुरू झाल्यानंतर सोलापुरात मोठ्या प्रमाणावर रोजगाराच्या संधी वाढतील. तसेच पुण्यातील आयटी पार्कवरचा ताण कमी होईल. हिंजवडी आयटी पार्क हा सध्या महाराष्ट्रातील सर्वात मोठा आणि देशातील दुसऱ्या क्रमांकाचा आयटी पार्क आहे. त्यानंतर सोलापूरचे हे नवे आयटी पार्क राज्याच्या आणि देशाच्या अर्थव्यवस्थेला चालना देणारे ठरेल, अशी अपेक्षा व्यक्त केली जात आहे.
