सातारा : ड्रग्ज माफिया ललित पाटीलला अटक केल्यानंतर राज्यातील राजकारण ढवळून निघत आहे. शिवसेना उद्धव ठाकरे गटाच्या नेत्या सुषमा अंधारे यांनी सार्वजनिक बांधकाम मंत्री दादा भुसे आणि मंत्री शंभुराज देसाई या दोघांवर आरोप करत ललित पाटील प्रकरणात नाव घेतलं आहे. यानंतर मंत्री शंभुराज देसाईंनी आक्रमक पवित्रा घेतला आहे. ललित पाटीलला मी ओळखत देखील नाही. कोणतेही कारण नसताना माझे नाव घेतले आहे. त्यामुळे माझी प्रतिमा मालिन होत असून सुषमा अंधारेंना कायदेशीर नोटीस पाठवणार असल्याची माहिती शंभुराज देसाई यांनी एका वृत्त वहिनीला दिली आहे.
.
मंत्री शंभुराज देसाई म्हणाले, सुषमा अंधारेंचे वक्तव्य हास्यास्पद आहे. लवकरच मी त्यांना कायदेशीर मार्गाने उत्तर देणार आहे. ललित पाटिलला मी ओळखत देखील नाही. कारण नसताना माझं नाव यामध्ये घेतलं जात आहे. तसेच ललित पाटील प्रकरणात माझा थोडा संबंध जरी सापडला तला मी राजकारण सोडेल असंही देसाई यांनी म्हटलं आहे.
