कोल्हापूर: कोल्हापुरातुन धक्कादायक घटना समोर आली आहे. येथे एका नवविवाहित जोडप्याचा बाथरूममधील गॅस गिझरच्या गळतीमुळे गुदमरून मृत्यू झाल्याची घटना घडली आहे. आग्रा तालुक्यातील बुरुडे येथील भावेश्वरी कॉलनीत सदरची घटना घडली आहे. सागर सुरेश करमळकर (वय 32 वर्ष) व त्यांची पत्नी सुषमा सागर करमळकर (वय 26 वर्ष) अशी मृतांची नावे आहेत.
मिळालेल्या माहितीनुसार, सागर आणि सुषमा या दोघांचे लग्न 20 मे रोजी झाले होते. रविवार (१५ जून) रोजी ते आंबोलीला फिरायला गेले होते. तेथून परतल्यानंतर सागरने कोणाचेही फोन उचलले नाहीत. काही वेळाने त्याचा फोन बंद झाल्यामुळे त्याच्या मित्रांना शंका आली.
आज (१६ जून) सकाळी सागरचे मित्र त्याच्या घरी भेटायला गेले. घरी आल्यानंतर त्यांनी दरवाजा बराचवेळ ठोठावला. मात्र आतून त्यांना कोणताही प्रतिसाद दिला नाही. तेंव्हा दरवाजा थोडा उघडा दिसला. त्यानंतर मित्रांनी घरात प्रवेश केला. प्रवेश केला असता त्यांना गॅसचा वास आला. त्यानंतर ते बाथरूमच्या दिशेने गेले. तेंव्हा बाथरूममध्ये गॅस गिझरमधून गळती होत होती. तेथे सागर आणि सुषमा दोघेही बेशुद्ध अवस्थेत पडल्याचे त्यांना दसून आले. त्यानंतर मित्रांनी तातडीने पोलिसांना सदर घटनेची माहिती दिली.
सदर घटनेची माहिती पोलिसांना कळताच पोलीस तातडीने घटनास्थळी पोहचले. त्यांनी दोघांचेही मृतदेह ताब्यात घेऊन शवविच्छेदनासाठी रुग्णालयात पाठवले. “नेमका मृत्यू गॅस गळती झाल्याने गुदमरून झाला की अन्य कोणत्या कारणातून झाला, हे स्पष्ट होणे बाकी आहे,” असे पोलिसांनी सांगितले.
