कोल्हापूर: राज्यात गेल्या अनेक दिवसांपासून हीट अँड रन्स प्रकरणाच्या घटना सतत घडताना पाहायला मिळत आहेत. अशातच आता कोल्हापूरमधून एक धक्कादायक घटना समोर आली आहे. रस्त्याने पायी जाणाऱ्या एका तरुणाला भरधाव कारने उडवले. तरुणाला जोरदार धडक दिल्यानंतर कारचालक फरार झाला आहे.
मिळालेल्या माहितीनुसार, कोल्हापूर शहराजवळ असणाऱ्या उंचगाव या गावात संबंधित घटना घडली आहे . रोहित हप्पे असं या अपघातात गंभीर जखमी झालेल्या तरुणाचे नाव आहे. रोहित हा उचगावातला रहिवासी असून तो रात्री घराकडे परत येत होता. त्यावेळी पाठीमागून भरधाव वेगात आलेल्या एका कारने रोहितला जोराची धडक दिली.
तो घराकडे निघाला होता, पाठीमागून आलेल्या भरधाव कारने धडक दिली; अक्षरशः हवेत फुटबॉल सारखा उडाला, पहा कोल्हापूरमधला अंगावर शहारे आणणारा व्हिडिओ #kolhapur #kolhapurhitandrun pic.twitter.com/VfPFajIlER
— Yogesh Kangude (@Yogesh_Kangude) August 31, 2024
ही धडकी इतक्या जोरात होती की, रोहित हवेत फुटबॉलसारखा हवेत उडून दूरपर्यंत फेकला गेला. यामध्ये रोहितला गंभीर दुखापत झाली असून त्याच्यावर रुग्णालयात उपचार सुरू आहेत. रोहितला धडक दिल्यानंतर कारचालक घटनास्थळावरून फरार झाला. हा सर्व प्रकार सीसीटीव्हीमध्ये कैद झाला आहे. या प्रकरणी गांधीनगर पोलीस स्टेशनमध्ये अज्ञात वाहनधारकाच्या विरोधात गुन्हा दाखल करण्यात आला आहे. या प्रकरणाचा अधिक तपास पोलीस करत आहेत.
View this post on Instagram
तो घराकडे निघाला होता, पाठीमागून आलेल्या भरधाव कारने धडक दिली; अक्षरशः हवेत फुटबॉल सारखा उडाला, पहा कोल्हापूरमधला अंगावर शहारे आणणारा व्हिडिओ #kolhapur #kolhapurhitandrun pic.twitter.com/VfPFajIlER
— Yogesh Kangude (@Yogesh_Kangude) August 31, 2024
