पाचगणी : पाचगणी हे एक प्रसिद्ध असे पर्यटनस्थळ आहे. येथे दररोज शेकडो पर्यटक येत असतात. त्यामुळे निसर्गाचा समतोल राखण्याचे आव्हान या ठिकाणी बनते. म्हणून काही नियमावली लावण्यात आल्या आहेत. त्यानुसार, धूम्रपान करण्यास बंदी घालण्यात आली आहे. मात्र, या नियमावलीचे उल्लंघन केल्याप्रकरणी एका पर्यटकावर गुन्हा दाखल झाला आहे.
याबाबत पांचगणी पोलीस ठाण्यातून मिळालेली अधिक माहिती अशी की, पाचगणी, वाई ते महाबळेश्वर जाणाऱ्या रस्त्यावर सार्वजनिक ठिकाणी जय किशोर जोशी (वय 26, रा. वडाळा ईस्ट कॅम्प रोड, मुंबई) हा तरूण धूम्रपान करताना गुरुवारी आढळून आला. त्याच्याविरुद्ध फिर्याद देण्यात आली आहे. या फिर्यादीवरून पोलीस कॉन्स्टेबल जीवन सर्जेराव मोहिते (वय 32) यांनी पांचगणी पोलीस ठाण्यात गुन्हा दाखल केला.
दरम्यान, या गुन्ह्याचा अधिक तपास पांचगणी पोलीस ठाण्याचे सहाय्यक पोलीस निरीक्षक राजेश माने यांच्या मार्गदर्शनाखाली पोलीस हवालदार धुळे हे करत आहेत.
