खंडाळा : पुणे-सातारा महामार्गावरील पारगाव-खंडाळा येथील बस स्थानकासमोर आज सकाळी एक भीषण अपघात घडला. दुचाकीवरून कोल्हापूरकडे जात असलेले एक दांपत्य उड्डाणपुलावरून ७० फूट खाली सर्व्हिस रोडवर कोसळले. या अपघातात पती उपेंद्र नागेश चाटे (वय ४०) यांचा जागीच मृत्यू झाला, तर पत्नी उन्नती उपेंद्र चाटे गंभीर जखमी झाल्या आहेत.
पोलिसांच्या प्राथमिक तपासणीनुसार, दांपत्याची गाडी रोडवरच राहिली असून जोराचा ब्रेक लागल्याने आणि चारचाकी वाहनाने हुलकावणी दिल्याने हा अपघात घडला असल्याचे दिसून येत आहे. घटनेचा अधिक तपास सुरू आहे. जखमी उन्नती चाटे यांना तातकाळ साताऱ्यातील रुग्णालयात दाखल करण्यात आले आहे. त्यांच्यावर उपचार सुरू आहेत.
