Ahilyanagar Leopard: अहिल्यानगर जिल्ह्यातील कोपरगाव तालुक्यात गेल्या 15 दिवसांपासून धुमाकूळ घालणाऱ्या नरभक्षक बिबट्याला ठार करण्यात वनविभागाला यश मिळवले आहे. या नरभक्षक बिबट्याने दोन जणांचा बळी घेतला होता. यामुळे परिसरात दहशत निर्माण झाली होती. बिबट्याच्या हल्ल्यामुळे ग्रामस्थ, शेतकरी, ऊसतोड मजुरांमध्येही भीतीचे वातावरण निर्माण झाले होते. मात्र या नरभक्षक बिबट्याला ठार करण्यात वनविभाग यशस्वी ठरल्याने आता परिसरातील नागरिकांनी सुटकेचा निश्वास सोडला आहे.
जिल्ह्यातील कोपरगाव तालुक्यातील टाकळी परिसरात ऊसतोडीसाठी आलेल्या कामगाराच्या मुलीवर बिबट्याने हल्ला केला होता. तसेच येसगाव येथील वृद्ध महिलेवरही बिबट्याने हल्ला केला होता यात त्यांचा मृत्यू झाला होता. तसेच शिंगणापूरमध्येही एका मुलीवर केलेल्या हल्लात मुलगी गंभीर जखमी झाली होती. तसेच अनेक पाळीव प्पराण्शुयांचाही फडशा पडला होता. यामुळे शेतकरी संतप्त झाले होते. या प्राश्वभूमिवर वनविभागाने कोपरगाव तालुक्यात बिबट्या शोधून ठार करण्यासाठी मोठी शोधमोहीम सुरु होती.
अखेर काल धारणगाव परिसरात बिबट्याची हालचाल आढळून आली. त्यानंतर वनविभागाने विशेष पथकासह कारवाई सुरू केली आणि नरभक्षक बिबट्याला ठार केले. यामुळे परिसरातील शेतकऱ्यांनी सुटकेचा निश्वास सोडला आहे.
