सोलापूर : सोलापुरातून एक भीषण अपघाताची बातमी समोर येत आहे. दुचाकीवरुन ट्रिपल सीट जाणाऱ्या तीन तरुणांचा दुचाकीच्या अपघातात मृत्यू झाल्याची धक्कादायक घटना घडली आहे. सोलापूर शहरातील महावीर चौक रस्त्यावर मध्यरात्री दीड वाजण्याच्या सुमारास हा अपघात झाला आहे. या भीषण अपघातात इरण्णा मठपती, निखिल कोळी, दिग्विजय सोमवंशी अशी मृत मित्रांची नावं आहेत. हे तिघेही एकाच दुचाकीवरुन ट्रिपल सीट जात होते.
दरम्यान, महावीर चौक येथे रस्त्यावरून जात असताना मध्यरात्री त्यांची दुचाकी झाडाला जोरदार धडकली. या घटनेत तिघेही गंभीर जखमी झाले. बेशुद्ध अवस्थेतील या तिघांना पोलिसांनी सोलापूरच्या शासकीय रुग्णालयात दाखल केलं होतं. मात्र डॉक्टरांनी या तिघांना मृत घोषित केलं. या अपघातानं सोलापूर शहरात हळहळ व्यक्त केली जात आहे.
दुचाकीची झाडाला जोरदार धडक
सोलापुर शहरातल्या महावीर चौक रस्त्यावर मध्यरात्री दीड वाजताच्या सुमारास हा अपघात झाला आहे. यामध्ये तीन मित्रांचा मृत्यू झाला आहे. हे तिघेही एकाच दुचाकीवर होते. मध्यरात्री झाडाला जोरदार धडक दिल्यानं तिघंही गंभीर जखमी झाले. बेशुद्ध अवस्थेतील या तिघांना ही पोलिसांनी शासकीय रुग्णालयात दाखल केलं. मात्र डॉक्टरांनी तिघांना मृत घोषित केलं.
