कोल्हापूर : कागल तालुक्यातील कसबा सांगावमध्ये घोडा मैदान स्पर्धेवेळी भीषण अपघात झाला. या अपघातात 8 ते 10 जण जखमी झाले आहेत. घोडा मैदान स्पर्धेवेळी अनेकजण उभी असलेली जीप वेगाने धावत होती. अत्यंत वेगात असलेली जीप वळणावर अंदाज न आल्याने जमिनीवर पलटली. यानंतर या जीपमध्ये उभे असलेले 8 ते 10 जण थेट जीपखाली आले. त्यामुळे या अपघातात 8 ते 10 जण जखमी झाले.
उपस्थितांकडून मदतकार्य
घोडा मैदान स्पर्धा पाहण्यासाठी या ठिकाणी शेकडो नागरिक उपस्थित होते. जीप पलटी होताच सगळ्यांनी तातडीने त्या ठिकाणी धाव घेतली आणि मदतकार्य केले. नागरिकांनी सुरूवातीला जीपखाली दबलेल्यांना तत्काळ बाहेर काढण्यात मदत केली.
सुदैवाने जिवितहानी नाही
दरम्यान, या अपघातात सुदैवाने जिवितहानी झाल्याची माहिती समोर आली नाही. मात्र, जीप पलटी झाल्याची तीव्रता पाहत अनेकांना गंभीर दुखापत झाल्याची शक्यता नाकारता येत नाही. उत्साहाच्या भरात सुरक्षेची काळजी न घेतल्यास काय परिणाम होतात, यांचा अंदाज देणारा अपघात आहे.
