Yavatmal : यवतमाळ : यवतमाळ येथे एका एमबीबीएसच्या विद्यार्थिनीने आत्महत्या केली आहे. वसंतराव नाईक शासकीय महाविद्यालय आणि रुग्णालयातील एमबीबीएसच्या प्रथम वर्षाला विद्यार्थिनी शिक्षण घेत होती. सुहानी ढोले अस मृत विद्यार्थिनीचे नाव असून या विद्यार्थिनीने गळफास घेऊन आत्महत्या केली. 28 डिसेंबरच्या मध्यरात्रीच्या सुमारास घटना घडली असल्याची प्राथमिक माहिती समोर आली आहे.
काही महिन्यांपूर्वी यांच कॉलजमधल्या एमबीबीएसच्या दुसऱ्या वर्षात शिकत असणाऱ्या विद्यार्थीनीने गळफास घेत आत्महत्या करण्याचा प्रयत्न केला होता. तर वैद्यकीय महाविद्यालय दोन डॉक्टरांवर एका रुग्णाने प्राणघातक हल्ला केला होता. या हल्ल्यात दोन्ही डॉक्टर गंभीर जखमी झाले होते. त्यातील एकजण थोडक्यात बचावला. या घटनेनंतर निवासी डॉक्टरांनी काम बंद आंदोलन केले होते.
सुहानी ढोलेने हे टोकाचे पाऊल उचलत आपली जीवनयात्रा का संपवली? याबाबत अद्याप कुठलीही माहिती कळू शकलेली नाही. पोलिसांना घटनास्थळी दोन पानाचे पत्र आढळून आल्याची माहिती समोर आली आहे. मात्र या पत्रात मृत विद्यार्थिनीने नेमके काय लिहले आहे, हे अद्याप कळू शकले नाही. या प्रकरणाचा तपास यवतमाळ शहर पोलीस करत आहे. तसेच मेडिकल कॉलेज प्रशासनदेखील या प्रकरणी काहीही बोलण्यास तयार नसल्याने या प्रकरणाचे कारण काळू शकले नाही.
