हिंगोली : येथील रिसोड राष्ट्रीय महामार्गावरील (Risod National Highway) राहुली पाटीजवळ भीषण अपघात (Accident) झाल्याची माहिती समोर आली आहे. अज्ञात वाहनाच्या धडकेत दोन तरुणांचा जागीच मृत्यू झाला आहे. अपघाताची माहिती पोलिसांना देण्यात आली आहे. पोलिसांनी अपघातीस्थळी येऊन तपासणी सुरु करुन अज्ञात वाहनावर गुन्हा दाखल करून घेतला आहे.
यावेळी मिळालेल्या माहितीनुसार, अपघातात मृत झालेल्या तरुणांची नावे वैभव पाटील (Vaibhav Patil) आणि शुभम पारसकर (Shubham Paraskar) ही आहे. काल सांयकाळी साडे सातच्या दरम्यान हा अपघात घडला. दोघे जण दुचाकीवर खासगी काम आपटून घरच्या दिशने जात होते. हिंगोलीच्या त्र्यंबकनाका राहुली पाटी परिसरात आले तेवढ्याच एका भरधाव अज्ञात वाहनाने त्यांच्या दुचाकीला धडक दिली. यावेळी दोघांनाही गंभीर दुखापत होऊन दोघांचा जागीच मृत्यू झाला. वाहन चालक अपघातस्थळावरून फरार झाला.
हिंगोली ग्रामी पोलिसांकडून वाहन चालकाचा शोध सुरु आहे. अपघातात दुचाकीचे संपुर्ण नुकसान झाले. दोघांच्या कुटुंबियांवर दुखाचा डोंगर कोसळला आहे.
