वाशीम : वाशीम शहरातील विनायक नगरमधील रहिवासी आणि पोलीस विभागात कार्यरत असलेले पोलीस कर्मचारी संतोष रमेश चव्हाण यांच्या घरी चोरी झाल्याची घटना सोमवारी पहाटे २ वाजेदरम्यान उघडकीस आली. प्राथमिक माहितीनुसार, विनायक नगर येथे संतोष रमेश चव्हाण राहतात. ते कुटुंबासह बाहेरगावी गेले होते. मात्र, सोमवारी पहाटे त्यांच्या घरी चोरी झाल्याचे शेजाऱ्यांनी पोलिसांना कळविले. .
चव्हाण यांच्या घरातून चोरट्यांनी सोने, दागिन्यांसह २ लाख ८६ हजार ५०० रुपयांचा ऐवज लंपास केल्याची प्राथमिक माहिती आहे. चोरट्यानी चक्क पोलीस कर्मचाऱ्यांच्या घरीच चोरी केल्याची घटना घडल्याने आश्चर्य व्यक्त केले जात आहे.
