अकोला: अकोला जिल्ह्यातील काटीपाटी (Shocking News) दोनवाडा शेतशिवारात घडलेली घटना मन सुन्न करणारी आहे. प्रेमात फसवणूक झाल्याच्या (Akola News) धक्क्यातून 18 वर्षीय तरुणाने थेट (Vidarbh News) आत्महत्येचा प्रयत्न करत तो क्षण सोशल मीडियावर व्हिडिओद्वारे जगासमोर मांडला. मात्र पोलिसांच्या वेळीच केलेल्या कारवाईमुळे त्याचा जीव वाचला. (Latest Marathi News)
कृष्णा पालवी असे या तरुणाचे नाव आहे. प्रेमसंबंधात असलेल्या तरुणीने आपल्याला धोका दिल्याच्या मानसिक धक्क्यातून कृष्णाने विष प्राशन करतानाचा व्हिडिओ सोशल मीडियावर पोस्ट केला. “करिष्मा, तेरी याद बहुत सताती रही थी… बाय… नहीं जी सकते तेरे बिना,” असा भावनिक मजकूर लिहून त्याने हा व्हिडिओ टाकला होता. काही मिनिटांतच हा व्हिडिओ मोठ्या प्रमाणात व्हायरल झाला आणि अनेकांनी तो पाहताच अकोला पोलिसांना माहिती दिली.
घटनेचे गांभीर्य ओळखून अकोला पोलिसांच्या सायबर पथकाने तातडीने हालचाली सुरू केल्या. दहीहंडा पोलीस ठाण्याशी संपर्क साधून तरुणाचा ठावठिकाणा शोधण्यात आला. काटीपाटी दोनवाडा परिसरात शोधमोहीम राबवून पोलिसांनी कृष्णाला वेळेत ताब्यात घेतले आणि उपजिल्हा रुग्णालयात दाखल केले. डॉक्टरांच्या माहितीनुसार सध्या त्याची प्रकृती स्थिर असून उपचार सुरू आहेत.
प्राथमिक तपासात प्रेमसंबंधातील वाद आणि गर्लफ्रेंडकडून फसवणूक झाल्याची भावना यामुळेच कृष्णाने टोकाचे पाऊल उचलल्याचे समोर आले आहे. आयुष्यातील पहिलं प्रेम, भावनिक गुंतवणूक आणि त्यातून होणारा धक्का तरुणांच्या मानसिकतेवर किती खोल परिणाम करतो, हे या घटनेतून पुन्हा एकदा स्पष्ट झाले आहे.
सोशल मीडियावर अशा संवेदनशील घटनांचे व्हिडिओ व्हायरल होणे ही गंभीर बाब असून, अशा वेळी तरुणांनी भावनेच्या भरात निर्णय न घेता कुटुंबीय, मित्र किंवा समुपदेशकांची मदत घ्यावी, असे आवाहन पोलिसांनी केले आहे.
