नागपूर: नागपूरच्या वाठोडा (Shocking News) परिसरातील सरोदेनगर येथे बुधवारी पहाटे घडलेल्या घटनेने संपूर्ण शहर हादरून गेले आहे. पत्नीने मुलीचा ताबा मागितल्याच्या (Nagpur News) रागातून एका बापाने (Nagpur Crime) आपल्या पोटच्या 8 वर्षांच्या चिमुरडीची निर्घृण हत्या केली. घरातल्या वादातून (Vidarbh News) सुरू झालेला हा संताप अखेर एका निरपराध जीवाच्या बळीवर थांबला. (Latest Marathi News)
धनश्री शेंदरे असे या चिमुकलीचे नाव. ती आजी आणि वडिलांसोबत राहत होती. पहाटे साडेपाचच्या सुमारास धनश्रीने वडिलांकडे पाणी मागितले. त्या वेळी तिचा पिता शेखर शेंदरे दारूच्या नशेत होता. रागाच्या भरात आणि वैवाहिक वादाच्या धुमश्चक्रीत त्याने चाकू उचलला आणि थेट मुलीच्या छातीत खुपसला. रक्ताच्या थारोळ्यात पडलेली धनश्री मदतीसाठी रडत होती. घरच्यांनी तिला तातडीने रुग्णालयात नेले, मात्र डॉक्टरांनी तिला मृत घोषित केले.
शेखर आणि त्याची पत्नी शुभांगी यांच्यात मुलीच्या ताब्यावरून दीर्घकाळ वाद सुरू होता. शुभांगीला धनश्रीचा ताबा हवा होता, तर शेखर याचा ताबा देण्यास तीव्र विरोध होता. दारूचे व्यसन, पत्नीवर संशय घेणे आणि वारंवार मारहाण यामुळे शुभांगी वेगळी राहत होती. तरीही ती मुलीला भेटण्यासाठी लपून येत होती. मुलीची आईकडे जाण्याची ओढ शेखरसाठी सततचा चिडचिडीचा आणि वादाचा विषय बनली होती.
धनश्रीच्या आजी कुसुमबाई शेंदरे यांनी तातडीने पोलीस ठाण्यात धाव घेऊन तक्रार दिली. आरोपी शेखर शेंदरेला अटक करण्यात आली आहे.
