नागपूर : शिवसेना शिंदे गटाचे आमदार आशिष जयस्वाल यांच्या गाडीला अपघात झाल्याची माहिती समोर आली आहे. आज दुपारी त्यांच्या गाडीचा अपघात झाला आहे. नागपूर येथील केरडी-कन्हान जवळ अपघात झाला. या अपघातात दोन जणांचा मृत्यू झाल्याची प्राथमिक माहिती समोर आली आहे.
याबाबत मिळालेल्या अधिक माहितीनुसार, केरडी-कन्हानजवळ आमदार आशिष जयस्वाल यांच्या गाडीला अपघात झाला आहे. या अपघातात कारमधील 2 जणांचा मृत्यू झाला असून आमदारांचे पीए या घटनेत गंभीर जखमी झाल्याची माहिती मिळत आहे. तसेच समोरील पांढऱ्या रंगाच्या चारचाकी वाहनचालक महिला गंभीर जखमी झाल्या असून त्यांच्यावर खाजगी रुग्णालयात उपचार सुरू आहेत.
