नागपूर : शिवसेना- ठाकरे गटाच्या उपनेत्या सुषमा अंधारे यांच्यावर हक्कभंग आणावा, असे म्हणत भारतीय जनता पक्षाचे नेते आणि आमदार प्रवीण दरेकर आक्रमक झाले आहेत. विधानसभेचे सदस्य आमदार रविंद्र धंगेकर यांना बोलण्याची संधी उपसभापती निलम गोऱ्हे यांनी दिली नसल्याचा आरोप अंधारेंनी केला आहे. धंगेकर हे विधान परिषदेचे सदस्य नसताना माहिती न घेता आरोप करणे चुकीचे आहे. त्यांच्यावर हक्कभंग आणण्याचा प्रस्ताव आमदार प्रवीण दरेकर यांनी मांडला आहे.
सुषमा अंधारे यांनी विधानसभेचे आमदार रविंद्र धंगेकर यांना बोलण्याची संधी उपसभापती निलम गोऱ्हे यांनी दिली नसल्याचा आरोप करत व्हिडिओ व्हायरल केला होता. दरम्यान यावरूनच भाजपचे आमदार प्रवीण दरेकर यांनी आक्रमक भूमिका घेत धंगेकर विधान परिषदेचे सदस्य नसतांना त्यांना बोलू न देण्याचा विषयच येत नसल्याचे मत मांडले. तसेच, कोणतीही माहिती न घेता आरोप करणे चुकीचे असून, सुषमा अंधारे यांच्यावर हक्कभंग आणण्याचा प्रस्ताव दरेकर यांनी विधान परिषदेत मांडला.
यावर बोलताना नीलम गोऱ्हे म्हणाल्या, रवींद्र धंगेकर इकडे सदस्य नसताना मी कसे बोलू दिले नाही. याचे कोडे मात्र उलगडलेले नाही. अज्ञानी लोकांकडून चूक झाल्यास मी समजू शकते, पण जे स्वत:ला ज्ञानी समजतात अशावेळी त्यांच्या अज्ञानाबद्दल साधी दिलगिरी व्यक्त करण्याचे तरी सौजन्य असू नये. तर त्या व्यक्तीला जाणीव करून दिली पाहिजे. याबद्दल सुषमा अंधारेंनी दिलगिरी व्यक्त करायला हवी. आठ दिवसांत दिलगिरीचे पत्र न आल्यास प्रविण दरेकरांना मी हक्कभंग मांडण्यास परवानगी देईन, असं गोऱ्हे म्हणाल्या.
