नागपूर : चार राज्यांतील निवडणुकांच्या निकालांनंतर महाराष्ट्राचे उपमुख्यमंत्री देवेंद्र फडणवीस यांनी प्रतिक्रिया दिली. या विजयाचं श्रेय हे पंतप्रधान मोदी , अमित शाह आणि अध्यक्ष जे.पी नड्डा यांचं आहे. पंतप्रधान मोदींवरील विश्वासाचं हे यश असल्याचं यावेळी उपमुख्यमंत्री देवेंद्र फडणवीस यांनी म्हटलं आहे. हा अभूतपूर्व निकाल असून जनतेच्या मनात काय आहे? याची ही नांदी असल्याची प्रतिक्रिया फडणवीसांनी दिली. तसेच आता महाराष्ट्रात देखील भारतीय जनता पक्षाचे सरकार येणार असल्याचा विश्वास फडणवीसांनी यावेळी व्यक्त केला.
राष्ट्रीय अध्यक्ष आणि त्या त्या राज्यातली जी काही भारतीय जनता पक्षाची टीम आहे आणि आमची राष्ट्रीय टीम आहे या सर्वांचं हे श्रेय आहे आणि म्हणून या सर्वांचं मी मनापासून अभिनंदन करतो. भाजपची मतं दहा टक्केपेक्षा देखील जास्त वाढलेली आहेत. विशेषतः छत्तीसगड राजस्थानमध्ये मोठ्या प्रमाणात ही टक्केवारी आहे. मध्य प्रदेशमध्ये आठ टक्क्यानी ती मतं वाढली असल्याची माहिती यावेळी देवेंद्र फडवीसांनी दिली.
