लातूर : लातूरमधून एक मोठी बातमी समोर येत आहे. लातूरमध्ये एका मद्यधुंद वाहन चालकाने १० ते १२ जणांना उडवल्याची घटना समोर येत आहे. लातूरच्या कन्हरी चौकात सोमवारी रात्री उशिराने अपघाताची घटना घडली असून या भीषण अपघातात एकाच जागीच मृत्यू झाला आहे. या घटनेने एकच खळबळ उडाली आहे.
मिळालेल्या माहितीनुसार, लातूरमध्ये भीषण अपघाताची घटना घडली आहे. लातूरमध्ये मद्यधुंद अवस्थेत चालक वाहन चालवत होता. त्याने १० ते १२ जणांना उडवलं असल्याची माहिती समोर येत आहे. या भीषण अपघातात एका तरुणाचा जागीच मृत्यू झाला आहे. जालिंदर मुळे असे मृत्यू झालेल्या तरुणाचे नाव आहे. भाजीपाला आणण्यासाठी गेलेल्या जालिंदर मुळे या तरुणाचा दुर्दैवी मृत्यू झाला आहे. तर नागरिकांनी जेसीबी चालकाला पोलिसांच्या हवाली केलं आहे.
