Buldhana News: बुलढाणा ता. 2: राज्यात ठिकठिकाणी मतदान सुरु आहे दरम्यान बुलढाण्यातून एक धक्कादायक प्रकार उघडकीस आला आहे. त्यामुळे राजकारण चांगलंच तापलं आहे. शहरातील विविध मतदान केंद्रांवर एकूण 3 बोगस मतदारांना पकडण्यात आले असून त्यामुळे निवडणूक प्रक्रियेच्या पारदर्शकतेबाबत प्रश्न निर्माण झाले आहेत. Local Body Election
हेही वाचा- धनंजय मुंडेंचा इंदौरमध्ये मर्डर..? ‘या’ आमदाराचा मोठा गौप्यस्फोट; राज्याच्या राजकारणात खळबळ
मिळालेल्या माहितीनुसार, शासकीय तांत्रिक विद्यालय मतदान केंद्रावर बोगस मतदानासाठी आलेल्या एका तरुणाला मतदान प्रतिनिधींनी रंगेहात पकडले. तरुणाला रंगेहात पकडतानाचा एक व्हिडिओ सोशल मीडियावर व्हायरल होत आहे. या घटनेनंतर स्थानिकांमध्ये गोंधळाची परिस्थिती निर्माण झाली.
यानंतर प्रभाग क्रमांक 15, मधील गांधी प्राथमिक शाळा मतदान केंद्रात आणखी २ बोगस मतदारांना अटक करण्यात आली. कोथळी (ता. मोताळा) येथील एका व्यक्तीने वैभव देशमुख यांच्या नावावर मतदान करण्याचा प्रयत्न केला. मतदानानंतर त्याच्या वर्तनात संशय वाटल्याने तपास करण्यात आला आणि तो बोगस मतदार असल्याचे स्पष्ट झाले. त्याच्यासोबत आणखी एक जणही खोट्या ओळखीवर मतदान करण्यासाठी केंद्रावर आला होता.
मतदान केंद्रावर बोगस मतदान होतानाचे चित्र दिसताच कॉंग्रेच्या स्थानिक नेत्यांकडून गंभीर आरोप करण्यात आले. बुलढाण्यातून तब्बल २ गाड्यांमध्ये बोगस मतदारांना आणले जात असल्याचे आढळून आले. या प्रकारामुळे केंद्रावर मोठा गोंधळ उडाला असून पोलिसांनी यावर तातडीने कारवाई करावी अशी मागणी विरोधी पक्ष नेत्यांनी केली आहे,
