पुणे: नोकरीच्या (Pune News) शोधात असलेल्या तरुणांना गंडा घालणाऱ्या टोळ्या पुण्यात मोठ्या प्रमाणावर सक्रिय झाल्याचे पुन्हा एकदा उघड झाले आहे. पुणे मेट्रोमध्ये काम करण्यासाठी काही उमेदवारांनी जमा केलेली नियुक्तीपत्रे बनावट आढळून आल्याने त्यांना मोठा धक्का बसला आहे. या घटनेमुळे मेट्रो प्रशासनामध्ये खळबळ उडाली आहे.
या गंभीर फसवणूक प्रकरणानंतर महामेट्रो प्रशासनाने तात्काळ नागरिकांना जागरूक राहण्याची विनंती केली आहे. एका मेट्रो अधिकाऱ्याने नागरिकांना स्पष्टपणे सांगितले की, महामेट्रोने नोकरीसाठी कोणत्याही एजंटला लोकांना कामावर घेण्याचा अधिकृत अधिकार दिलेला नाही. त्यामुळे, नोकरीचे खोटे आमिष दाखवून फसवणूक करणाऱ्या कोणत्याही एजंटशी संपर्क ठेवणे टाळावे, अशी विनंती प्रशासनाने केली आहे.
MSRDC च्या नावाने दिल्या जाणाऱ्या खोट्या नियुक्तीपत्रांवर विश्वास ठेवू नका. नोकरीच्या संधी आणि अर्ज करण्याची माहिती ही केवळ पुणे मेट्रो आणि महामेट्रोच्या अधिकृत संकेतस्थळांवर उपलब्ध आहे.
