अकोला: अकोल्यातून एक दुखःद घटना समोर आली आहे. राष्ट्रवादी काँग्रेस अजित पवारांच्या विद्यार्थी आघाडीचे अकोला महानगरप्रमुख वैभव घुगे यांनी आत्महत्या केल्याची धक्कादायक घटना समोर आली आहे. (latest marathi news)
मिळालेल्या माहितीनुसार, वैभव घुगे यांनी अकोल्यातील जुन्या आरटीओ रोडवरील रेल्वे ट्रॅकवर रेल्वेसमोर उडी घेऊन आत्महत्या केली. घुगे हा राष्ट्रवादी काँग्रेसचे नेते धनंजय मुंडे यांच्या निकटचा कार्यकर्ता असल्याचे बोलले जात आहे. घुगे याने आत्महत्या का केली हे अद्याप स्पष्ट होऊ शकलेले नाही. या घटनेनं परिसरात एकच खळबळ उडाली आहे.
प्राथमिक माहितीनुसार, वैभव घुगेंनी कर्जबाजारीपणामुळे आत्महत्या केली असल्याचे बोलले जात आहे. या घटनेने राष्ट्रवादी काँग्रेसच्या वर्तुळात शोककळा पसरली आहे. या घटनेनंतर पोलीस आणि राष्ट्रवादीचे कार्यकर्ते घटनास्थळी दाखल झाले.
वैभव घुगे यांनी आत्महत्या का केली? याचा तपास पोलिस करत आहेत. या घटनेमुळे अजित पवारांच्या पक्षावर शोककळा पसरली आहे.
