नागपूर : येथील अशोक चौकजवळील हॉटेल ओरियंट ग्रॅण्डमधील (Hotel Orient Grand) पहिल्या माळ्यावर असलेल्या कॉन्फरन्स हॉलला (Conference Hall) आज बुधवारी सकाळी आग (fire) लागली आहे. तत्काळ आगीची माहिती मिळताच कॉटन मार्केट अग्निशमन केंद्रातील गाडी घटनास्थळी पोहोचली.
हॉटेल ओरियंट ग्रॅण्डच्या कॉन्फरन्स हॉलमधील एसी, खुर्ची, सोपा आणि वायरिंग जळून खाक झाल्या. पथकाने लगेच कार्यवाहीला सुरवात केली आणि काहीवेळातच आगीवर नियंत्रण मिळवण्यात यश मिळवले.
यावेळी पथकाने केलेल्या पंचनाम्यानुसार 80 हजार रुपयांचे नुकसान झाल्याचा अंदाज वर्तवण्यात आला आहे. हॉटेल ओरियंट ग्रॅण्डमध्ये शॉर्ट सर्किट झाल्यामुळे आग लागली असल्याचे अग्निशमन विभागाकडून सांगण्यात आले आहे.
