Kolhapur Black Magic: कोल्हापूर जिल्ह्यातील कुरुंडवाडी भागात एक धक्कादायक प्रकार घडल्याची माहिती समोर आली आहे. या घटनेमुळे संपूर्ण गावात भीतीचे वातावरण पसरले आहे. रविवारी सकाळी शहराच्या वेशीवर आणि चौकात भानामती आणि करणी- जादू टोणा केल्याचा संशयास्पद प्रकार उघडकीस आला आहे. गावकऱ्यांना सकाळी वेगवेगळ्या ठिकाणी चौकात काही रहस्यमद वस्तू आढळून आल्याने एकच खळबळ उडाली.
या प्रकरणी ग्रामस्थांनी दिलेल्या माहितीनुसार, मध्यरात्रीच्या वेळी चौकात काही लिंबू- मिरच्या, नारळ, हरभरा, काळा दोरा, विड्याची पाने, राख यासारख्या संशयास्पद वस्तू काळ्या कपड्यात बांधून ठेवलेल्या आढळल्या. ही घटना संपूर्ण गावात पसरली त्यानंतर गावातील लहान – मोठ्या माणसांमध्ये भीतीचे वातावरण पसरले. या बाबत पोलिसांना माहिती देण्यात आली असून पोलिसांनी संशयास्पद वस्तू हाती घेतल्या आहेत.
दरम्यान, निवडणूकीच्या पार्श्वभूमीवर गावात तणावाचे वातावरण निर्माण करत असल्याचे दावा केले जात आहे. या प्रकारामुळे कुरुंदवाडी परिसरात तणावाचं वातावरण असून, गावकऱ्यांमध्ये विविध चर्चांना उधाण आलं आहे. यापूर्वीही गावात भानामत आणि जादू टोणा केल्याचा प्रकार आढळला होता.
