लखमापूर (नाशिक) : नाशिक-कळवण रोडवरील अवनखेड शिवारात अज्ञात वाहनाने मोटारसायकलला धडक दिल्याने झालेल्या अपघातात एक जण ठार झाला. तर दोन जण जखमी झाले असून जखमींना उपचारासाठी दिंडोरी येथील खासगी रुग्णलायात दाखल करण्यात आले आहे.
या अपघाताबाबत पोलिसांनी दिलेल्या माहितीनुसार, मोटार सायकल (क्र.एम एच१५ एचव्ही ३७६७) दिंडोरीकडून देवठाणला जात असताना अज्ञात वाहनाने धडक दिल्याने झालेल्या अपघातात प्रविण हिरामण महाले (वय २३ रा, देवठाण) हा युवक जागीच ठार झाला. तर दिलीप निवृत्ती महाले व ज्ञानेश्वर देविदास तलवारे हे दोघे जखमी झाले आहेत. अपघातानंतर संशयित वाहनचालकाने घटनास्थळावरून पळ काढला. अपघाताची माहिती मिळताच पोलिसांनी घटनास्थळी धाव घेतली. पोलीस निरीक्षक रघुनाथ शेगर यांच्या मार्गदर्शनाखाली पोलीस हवालदार भारत कनोज अधिक तपास करीत आहेत.
