नाशिक: श्री राम मंदिरातील प्राणप्रतिष्ठा सोहळा पार पडल्यानंतर संपूर्ण देशात अनेक ठिकाणी रॅली, दिपोत्सव साजरा केला जात आहे. त्यातच माजी मुख्यमंत्री आणि शिवसेना- ठाकरे गटाचे प्रमुख उद्धव ठाकरे यांनी कुटुंबासह नाशिकच्या काळाराम मंदिरात दर्शन घेतले. उद्धव ठाकरे हे पत्नी रश्मी ठाकरे, आदित्य ठाकरे आणि तेजस ठाकरे नाशिक दौऱ्यावर आहेत. यादरम्यान मोठ्या प्रमाणात शिवसैनिक पंचवटी भागात दाखल झाले होते. राम मंदिर प्राणप्रतिष्ठा सोहळ्याच्या निमित्ताने उद्धव ठाकरेंनी काळाराम मंदिरात जाऊन दर्शन घेतले. तसेच त्याठिकाणी पूजा करून महाआरतीही केली.
