धुळे : धुळ्यामधून एक धक्कादायक बातमी समोर आली आहे. शिंदखेडा तालुक्यातल्या दसवेल फाटा येथे भीषण अपघात झाला आहे. हा अपघात इतका भीषण होता की या अपघातात पाच जणांचा जागीच मृत्यू झाला असून चौघे जण गंभीर जखमी आहेत. मृतांमध्ये तीन महिलांचा समावेश आहे. अपघातातील जखमींना रुग्णालयात उपचारासाठी दाखल करण्यात आलं आहे.
याबाबत अधिक माहिती अशी की, शिंदखेडा तालुक्यातल्या दसवेल फाट्याजवळ पिकअप व्हॅन आणि ईको गाडी यांच्यामध्ये धडक झाली. समोरासमोर झालेली ही धडक इतकी भीषण होती की या अपघातात पाच जणांचा जागीच मृत्यू झाला आहे तर अपघातात चौघे गंभीर जखमी झाले आहेत. जखमींना तात्काळ उपचारासाठी धुळ्यातल्या हिरे रुग्णालयात दाखल करण्यात आलं आहे. या अपघाताची नोंद पोलिस ठाण्यात करण्यात आली आहे. पोलीस अधिक तपास करत आहेत.
