नंदूरबार : राज्यात अपघातांची मालिका सुरुच आहे. नंदूरबारमधून एका भीषण अपघाताची बातमी समोर आली आहे. नंदूरबार तालुक्यातील पिंपळोद गावाजवळ भीषण अपघाताची घटना घडली आहे. या भीषण अपघातात ५ जणांचा मृत्यू झाला आहे. तर एकाची प्रकृती चिंताजनक असल्याची माहिती मिळत आहे.
या भीषण अपघातात ५ जणांचा मृत्यू झाल्याने ऐन दिवाळीत त्यांच्या कुटुंबीयांवर शोककळा पसरली आहे. हा अपघात इतका भीषण होता की भरधाव वाहनाने ३ दुचाकींना चिरडले आहे. यामध्ये ५ जणांचा मृत्यू झाला आहे.
नेमका कसा झाला अपघात?
भरधाव वेगाने येणाऱ्या वाहनाने रस्त्याच्या कडेला उभे असलेल्या ३ मोटरसायकलींना चिरडले. चालकाचा वाहनावरून नियंत्रण सुटल्याने अपघात घडल्याची माहिती मिळत आहे. या अपघातातील जखमींना नंदूरबार जिल्हा रुग्णालयात दाखल करण्यात आलं आहे. या अपघातात चारचाकी वाहनांसह मोटरसायकलींचा अक्षरशः चुराडा झाला आहे. ऐन दिवाळीत पाच जणांच्या मृत्यू झाल्याने त्यांच्या कुटुंबीयांवर दु:खाचा डोंगर कोसळला आहे. या घटनेनंतर त्यांच्या गावात शोककळा पसरली आहे.
