नंदुरबार : नंदुरबारमधून एका धक्कादायक अपघाताची बातमी समोर येत आहे. कार चालवताना चालकाला हृदयविकाराचा झटका आला आणि त्यामुळे कारवरील नियंत्रण सुटलं. यामध्ये कारने चौघांना चिरडले. हा अपघात इतका भीषण होता की अपघातामध्ये दोघांचा जागीच मृत्यू झाला आहे. तर दोघे जण गंभीर जखमी झाले आहेत.
अपघाताची माहिती मिळताच नंदुरबार पोलिसांनी घटनास्थळी धाव घेतली असून त्यांनी पुढील तपास सुरू केला आहे. जखमींना तात्काळ रुग्णालयात दाखल करण्यात आले आहे.
