नाशिक : नाशिकरोड येथील सिन्नर फाटा परिसरात एकावर रॉडने जीवघेणा हल्ला केल्याने त्याचा मृत्यू झाला. प्रमोद रामदास वाघ (वय ३८) असे मृताचे नाव आहे. प्रमोद वाघ शुक्रवारी (दि. ३) सायंकाळी ६ च्या सुमारास सर्व्हिस रोडने दुचाकीने जात असताना, योगेश पगारे व त्याच्या साथीदारांनी त्याला अडवून, जुन्या भांडणाची कुरापत काढून वाद घालण्यास सुरुवात केली.
त्यावेळी एकाने वाघ याच्यावर रॉडने हल्ला चढविला; तसेच इतरांनीही त्याला मारहाण केली. त्यात वाघ याच्या डोक्याला गंभीर दुखापत झाल्याने त्याला तत्काळ उपचारासाठी खासगी हॉस्पिटलमध्ये दाखल करण्यात आले. तेथे उपचारादरम्यान त्याचा मृत्यू झाल्याचे डॉक्टरांनी घोषित केले. घटनेची माहिती मिळताच नाशिकरोड पोलीस ठाण्याचे अधिकारी व कर्मचाऱ्यांनी घटनास्थळी धाव घेत तपास सुरू केला.
