नाशिक : नाशिक पश्चिम विधानसभा मतदारसंघातून दशरथ पाटील हे विधानसभा निवडणूक लढविण्यास इच्छुक आहेत. शुक्रवारी त्यांनी पुणे येथील महाराष्ट्र स्वराज्य पक्षाच्या मध्यवर्ती कार्यालयात छत्रपती संभाजीराजे यांची भेट घेतली. या वेळी संभाजीराजे यांच्यासोबत त्यांची सकारात्मक भेट झाल्याची माहिती सूत्रांनी दिली आहे. येत्या दोन दिवसांत त्यांचा पक्ष प्रवेश होण्याची शक्यता आहे.
