अहमदनगर : अहमदनगरमधील कोपरगाव तालुक्यात रेल्वे अपघाताची घटना घडली आहे. मनमाडकडून दौंडकडे जाणाऱ्या मालगाडीचे डबे घसरल्याची घटना घडली. या अपघातात सुदैवाने कोणतीही जीवितहानी झाली नसल्याची प्राथमिक माहिती मिळत आहे. ही घटना रविवारी (दि. ३०) रात्री कोपरगाव तालुक्यातील कोन्हेगाव रेल्वे स्थानकाच्या हद्दीत घडली आहे.
मनमाड-दौंड रेल्वे मार्गावर मनमाडकडून दौंडकडे जाणाऱ्या मालगाडीच्या डब्याचे चाक निसटले. त्यानंतर रुळावरून डबे घसरले. दरम्यान, ही मालगाडी रिकामी असल्यामुळे या अपघातात कोणतीही जीवितहानी झाली नाही
या अपघातानंतर रेल्वे कर्मचारी तातडीने घटनास्थळी दाखल झाले. रेल्वे कर्मचाऱ्यांनी तातडीने दुरुस्ती करण्याच्या उपायोजना युद्ध पातळीवर सुरू केल्या आहेत. मात्र, मालगाडीचे डबे नेमके कशामुळे घसरले, या संदर्भात अद्याप कोणतीही ठोस माहिती मिळू शकली नाही.
