पुणे: राज्यातील अतिवृष्टीमुळे शेतकरी गंभीर संकटात असून त्यांचा जीवघेणा ताण वाढत चालला आहे. या पूर परिस्थितीमुळे बळीराजांचा त्रास तर झाला आहेच, पण त्यांचे मुलं, विशेषतः स्पर्धा परीक्षेची (MPSC Exam) तयारी करणारी पोरं आणि पोरीही व्याकुळ झाली आहेत. पुणे, मुंबईसह अनेक शहरांतील बळीराजांची मुले आपल्या आई-वडिलांचे हाल पाहून आणि त्यांच्या शेवाऱ्यांवर पसरलेल्या पाण्याचे व्हिडीओ पाहून हवालदिल झालेली आहेत. अनेक विद्यार्थ्यांसाठी (Jayant Patil) महत्त्वाची एमपीएससीची परीक्षा फक्त दोन दिवसांवर येऊन ठेपली आहे. अशा परिस्थितीत विद्यार्थ्यांना या संकटांच्या ओझ्याखाली परीक्षा देणे अवघड ठरत आहे.
राष्ट्रवादी काँग्रेस पक्षाचे नेते जयंत पाटील यांनी महाराष्ट्र लोकसेवा आयोगाकडे येत्या 28 सप्टेंबर रोजी होणाऱ्या राज्यसेवा पूर्व परीक्षा पुढे ढकलण्याची मागणी केली आहे. पाटील म्हणाले की, पूर परिस्थितीमुळे विद्यार्थ्यांची परीक्षा देण्याची मानसिक तयारी सध्या नाही. आयोगाने विद्यार्थ्यांच्या अडचणी लक्षात घेऊन परीक्षा पुढे ढकलावी, असा आग्रह त्यांनी केला.
जयंत पाटील यांनी आपल्या सोशल मीडिया प्लॅटफॉर्मवर प्रतिक्रिया देताना सांगितले की, हवामान विभागाने दिलेला सतर्कतेचा इशारा व मराठवाड्यातील सध्याची पूरस्थिती अत्यंत गंभीर आहे. अनेक गावं आणि शहरे पाण्याखाली असून वाहतूक व्यवस्था ठप्प झाली आहे. अशा परिस्थितीत विद्यार्थ्यांना परीक्षा केंद्रांवर पोहोचणे ही मोठी समस्या ठरते. नैसर्गिक आपत्तीमुळे विद्यार्थी परीक्षा देता आले नाहीत, तर ते अत्यंत अन्यायकारक ठरेल. प्रत्येक विद्यार्थ्याला समान संधी मिळणे आवश्यक आहे.
जयंत पाटील यांनी पुढे म्हटले की, तयारी असूनही अशा बिकट परिस्थितीत परीक्षा देणे विद्यार्थ्यांवर अन्याय ठरेल. त्यामुळे आयोगाने बळजबरी न करता विद्यार्थ्यांच्या अडचणी लक्षात घेऊन परीक्षा पुढे ढकलण्याचा निर्णय घ्यावा. पाटील यांच्या मागणीला मोठ्या प्रमाणावर समर्थन मिळत आहे, कारण अनेक परीक्षार्थी आणि त्यांच्या पालकांची चिंता आता शिखरावर पोहोचली आहे.
विद्यार्थ्यांच्या हितासाठी आणि समान संधी सुनिश्चित करण्यासाठी राज्यसेवा पूर्व परीक्षा पुढे ढकलणे हेच न्याय्य आणि तातडीचे पाऊल ठरेल, असे पालक आणि शिक्षण तज्ज्ञ देखील मान्य करत आहेत.
