पुणे : आज रविवार जर तुम्ही बाहेर फिरायला लोणावळा जायचा प्लॅन करत असाल तर ही माहिती असू द्या. आज पुणे-लोणावळ्यादरम्यान मेगाब्लॉक घेण्यात येणार आहे. इन्फ्रास्ट्रक्चरच्या देखभाल सुरक्षिततेसाठी ब्लॉक घेण्यात येणार आहे. कामशेत-तळेगाव दरम्यान असलेल्या पुलावर लोखंडी गर्डरच्या ठिकाणी आरसीसी सेगमेंटल बॉक्स बसवण्यात येणार आहे. त्यामुळे लोणावळा-शिवाजीनगर, लोणावळा ते पुणे लोकल, तळेगाव-पुणे, शिवाजी नगर-तळेगाव या गाड्या रद्द करण्यात आल्या आहेत. त्यासोबतच चार एक्स्प्रेस गाड्याही रद्द करण्यात आल्या असल्याची नोंद प्रवाशांनी घ्यावी, असे रेल्वे प्रशासनाकडून सांगण्यात आले आहे.
ब्लॉकमुळे ‘या’ गाड्या रद्द
- पुणे-लोणावळा गाडी क्र . 01566
- लोणावळा-शिवाजीनगर-गाडी क्र.01563
- लोणावळा-पुणे लोकल गाडी क्र. 01561
- तळेगाव-पुणे गाडी क्र. 01589
- शिवाजी नगर-तळेगाव गाडी क्र. 01588
रद्द करण्यात एक्सप्रेस गाड्या
- मुंबई-पुणे डेक्कन क्विन सुपरफास्ट एक्स्प्रेस
- पुणे-मुंबई डेक्कन एक्स्प्रेस
- पुणे-मुंबई डेक्कन क्विन सुपरफास्ट एक्स्प्रेस
- मुंबई-पुणे डेक्कन एक्स्प्रेस
