भूम (धाराशिव): जामखेड तालुक्यातील छोट्याश्या गावात राहणाऱ्या पारधी समाजाच्या महिलेवर दोन पोलिसांनी अत्याचार केल्याची घटना भुम तालुक्यात घडली आहे. यामधील एक आरोपी होमगार्ड, तर दुसरा पोलीस शिपाई आहे.
पीडित महिला ऊसतोड मजूर असून ती तिच्या मुलांना भेटायला बार्शी येथे जात असतांना बस स्टँडवर आरोपींनी पीडित आणि तिचा दिर थांबले असतांना त्यांना ‘चोर’ असल्याच्या संशयावरून गाडीत बसवून नेले आणि पैशांची मागणी केली. पीडित महिलेने ऊसतोड मुकादमाकडून उसने पैसे घेऊन आरोपी पोलिसांच्या मोबाईलवर पैसे दिले. यानंतर पुन्हा आरोपी पोलिसाने महिलेला दमदाटी करून महिलेवर अत्याचार केला आणि पीडितेला धमकावले.
त्यानंतर पिडीत महिलेने घडलेला प्रकार ऊसतोड मुकादम आणि तिच्या वडिलांना सांगितला. पिडीत महिलेने भुम पोलीस स्टेशन फिर्याद दिली आहे. दिलेल्या फिर्यादीवरून पोलीस कर्मचारी दगडू सुदाम भुरके (रा. भुम) व सागर चंद्रकांत माने (रा. भुम) या दोघांविरुद्ध बलात्काराचा गुन्हा दाखल करण्यात आला आहे.
