लातूर : लातूरमधून एके धक्कादायक बातमी समोर आली आहे. पाणीपुरी म्हणजे खवय्यांचा जीव कि प्राण. परंतु मात्र सोशल मीडियावर पाणीपुरी खाणाऱ्या खवय्यांसाठी एक धक्कादायक व्हिडिओ व्हायरल झाला आहे. ज्यात पाणीपुरीसोबत देण्यात येणाऱ्या पाण्यामध्ये चक्क जिवंत अळ्या दिसून येत आहेत. लातूरमध्ये ही घटना घडली आहे.
पाणीपुरी पाण्यात जिवंत अळ्या..
पाणीपुरीच्या पाण्यात अळ्या आढळून आलेला व्हिडिओ हा खरा असून हा प्रकार लातूरमधला आहे. लातूर शहरातील गांधी चौकातील एक नामांकित स्वीट होममधील हा प्रकार घडला असून तो एका ग्राहकाने सर्वांसमोर आणाल आहे. ग्राहकाला हा प्रकार दिसताच त्याने मोबाईलमध्ये सर्व कैद केला आहे. पाणीपुरी सोबत देण्यात येणाऱ्या पाण्यात जिवंत आळी निघाल्याने शहरातील खवय्यांमध्ये एकच खळबळ उडाली. अद्याप मात्र नागरिकांच्या जीवाशी खेळणाऱ्या या पाणीपुरी विक्रेत्यावर कोणत्याही प्रकारची कारवाई करण्यात आलेली नाही.
व्हिडिओमध्ये नेमकं काय?
व्हायरल झालेला व्हिडिओ लातूरमधील एका स्वीट होमधील आहे. या व्हिडिओत तुम्हाला पाणीपुरी सोबत देण्यात येणारे पाणीपुरीचे पाणी एका भांड्यात दिसून येत आहे. या भांड्यात असलेल्या पाणीपुरीच्या पाण्यात एक अळी दिसून येत आहे. धक्कादायक म्हणजे ही अळी जिंवत असल्याचे दिसत आहे.
