संभाजीनगर : माजी केंद्रीय मंत्री रावसाहेब दानवे यांची मुलगी तसेच जिल्हा परिषदेच्या माजी सदस्या संजना जाधव यांच्या वाहनाचा अपघात झाला आहे. धुळे-सोलापूर महामार्गावरील चाळीसगाव तालुक्यातील रांजणगाव फाट्यावर आज सोमवारी हा अपघात झाला आहे. सुदैवाने यात कोणतीही जीवितहानी झाली नाही.
संजना जाधव या बाजार समितीचे उपसभापती जयेश बोरसे, माजी सरपंच ज्ञानेश्वर निकम, आदित्य गर्जे यांच्यासह तालुक्यातील बनोटी सर्कल मधील वरठाण येथे जात होत्या. यावेळी रांजणगाव फाट्यावर समोरुन आलेल्या पिकअप (एम.एच.42 बी.एफ.0613)ने चालकाच्या बाजूला जोराची धडक दिली आहे. ही धडक इतकी जोरदार होती की त्यात दोन्ही वाहनांचे मोठे नुकसान झाले आहे.
घटनेची माहिती मिळताच पोलिसांनी घटनास्थळी जाऊन पुढील कारवाई सुरू केली आहे.
