छत्रपती संभाजीनगर: छत्रपती संभाजीनगरमधील सोशल (Reel Star Arun Tupe) मीडियावर लोकप्रिय असलेला रील स्टार अरुण तुपे याचे अचानक निधन झाल्याची घटना समोर आली असून (Reel Star Arun Tupe Death) त्यामुळे त्याच्या चाहत्यांमध्ये आणि स्थानिकांमध्ये हळहळ व्यक्त होत आहे. विनोदी, सामाजिक आणि भावनिक आशयाच्या व्हिडिओमुळे ओळख मिळवलेल्या या तरुण क्रिएटरचा मृतदेह 10 मार्च रोजी सकाळी त्याच्या राहत्या घरी (Chhatrapati Sambhajinagar) आढळून आला. ही घटना समोर येताच सोशल मीडिया विश्वात मोठी खळबळ उडाली.
मिळालेल्या माहितीनुसार, अरुण तुपे हा छत्रपती संभाजीनगरमधील बालाजी नगर परिसरात राहत होता. सकाळच्या सुमारास तो घरात बेशुद्ध अवस्थेत आढळून आला. कुटुंबीयांनी तत्काळ त्याला जवळच्या रुग्णालयात नेले, मात्र डॉक्टरांनी तपासणीनंतर त्याला मृत घोषित केले. त्याच्या अचानक झालेल्या मृत्यूमुळे नेमके कारण काय असावे याबाबत अनेक प्रश्न उपस्थित झाले आहेत.
अरुण तुपे सोशल मीडियावर विशेषतः इंस्टाग्रामवर सक्रिय होता. विविध सामाजिक मुद्दे, दैनंदिन जीवनातील प्रसंग आणि विनोदी निरीक्षणे यावर आधारित त्याचे रील्स मोठ्या प्रमाणावर व्हायरल होत असत. त्याच्या सहज आणि वेगळ्या शैलीमुळे त्याने अल्पावधीतच मोठा चाहतावर्ग निर्माण केला होता. इंस्टाग्रामवर त्याचे सुमारे 179000 पेक्षा अधिक फॉलोअर्स होते. त्यामुळे त्याच्या निधनाची बातमी समोर येताच अनेकांनी सोशल मीडियावर श्रद्धांजली अर्पण केली.
दरम्यान, त्याच्या काही जवळच्या मित्रांनी आणि नातेवाईकांनी दिलेल्या माहितीनुसार अरुणला फिट्स म्हणजेच Epilepsy हा आजार असल्याचे सांगितले जात आहे. मात्र त्याचा मृत्यू या आजाराशी संबंधित आहे का, हे अद्याप अधिकृतरीत्या स्पष्ट झालेले नाही. Epilepsy हा मेंदूशी संबंधित आजार असून त्यामध्ये अचानक झटके येण्याची शक्यता असते. अशा परिस्थितीत वेळेवर वैद्यकीय मदत मिळाली नाही तर गंभीर परिणाम होऊ शकतात, असे तज्ज्ञ सांगतात.
अल्पावधीत सोशल मीडियावर लोकप्रियता मिळवलेल्या एका तरुण क्रिएटरचा अशा प्रकारे मृत्यू झाल्याने डिजिटल जगतातही धक्का बसला आहे. स्थानिक तरुणांमध्ये अरुण तुपे हा प्रेरणादायी उदाहरण मानला जात होता. त्यामुळे त्याच्या निधनाने केवळ कुटुंबीयांनाच नव्हे तर त्याच्या हजारो चाहत्यांनाही मोठा धक्का बसला आहे. पुढील तपासानंतर त्याच्या मृत्यूचे नेमके कारण स्पष्ट होण्याची शक्यता आहे.
